Ciidamo fara badan ayaa saacadihii ugu dambeeyey gaaray gurmad ahaan degaanka Yasooman ee gobolka Hiiraan iyo nawaaxigiisa
Sida wararku sheegayaan ciidamadan oo ah kuwa degaanka iyo Ciidamada xooga dalka Soomaaliyeed sida Ciidamada kumaandoska DANAB iyo Ciidamo ka tirsan qeybta 21aad
Ciidamadaan oo ah qeybtii labaad ayaa ka kala timid Magaalooyinka Dhuusamareeb iyo Guriceel, iyagoo qeyb ka noqonaya dagaalka ka dhanka ah Al-Shabaab ee ka socda meelo ka mid ah Gobolka Hiiraan.
Xildhibaan Cabdullaahi Maxamed Cali Sanbaloolshe iyo Guddoomiyaha Gobolka Hiiraan Cali Jeyte Cismaan ayaa horkacayo Gulufka dagaal ee Ciidamada xoogga dalka iyo kuwa degaanka ka wadaan Gobolka Hiiraan, iyaga oo degaano dhowr ah kala wareegay Al-Shabaab.
Gobolka hiiraan ayaa la ciirciiraya ciidamadii ugu badnaa dowlada Somalia iyo kuwa degaanka oo dagaal adag kala horjeeda kooxda Al-shabaab oo damacsan iney dagaal ku soo ceshato degaanadii laga saaray ee gobolka Hiiraan.
