Home Wararka Caalamka Arday Fasalka ku Dhex toogtay Macalimadiisa Dalka Mareykanka

Arday Fasalka ku Dhex toogtay Macalimadiisa Dalka Mareykanka

0

Wiil lix sano jir ah ayaa rasaas ku furay fasal dugsi hoose oo ku yaalla bariga gobolka Virginia ee dalka Mareykanka, isagoo dhaawac halis ah u geystay macallimadiisa, sida ay booliisku sheegeen.

Ma jiro arday wax ku noqotay shilka ka dhacay Dugsiga Hoose ee Richneck ee ku yaal magaalo xeebeedka Newport.

“Qofka weerarka geystay waa arday lix jir ah. Hadda waxa uu ku jiraa xabsiga booliska,” ayuu taliyaha bilayska deegaanka Steve Drew u sheegay shir jaraa’id, isaga oo intaa ku daray in “tani aanay ahayn toogasho shil ah.”

Waxa uu sheegay in wiilka uu fasalka dhexdiisa ku haystay qori gacmeed, baarayaashuna ay isku dayayaan inay ogaadaan halka uu ka helay. Taliyaha Booliska ayaan faahfaahin dheeraad ah ka bixin rasaastaasi, iyo waxa ka dhacay gudaha Iskuulka.

Taliyaha booliisku si gaar ah ugama hadlin su’aalaha ku saabsan in mas’uuliyiinta ay la xiriireen waalidka wiilka, laakiin wuxuu sheegay in xubno ka tirsan booliiska ay gacanta ku hayaan baaritaankaas.

“Waxaan la xiriirnay qareenka Dawlada Dhexe [Xeer ilaaliyaha deegaanka] iyo qaar ka mid ah hay’adaha kale si ay nooga caawiyaan inaan sida ugu wanaagsan u helno adeegyada ninkan da’da yar,” Drew ayaa yiri.

Newport waa magaalo ay ku nool yihiin 185,000 oo qof oo ku taal koonfur-bari ee Virginia.

“Waan argagaxsanahay, waanan niyad jabay,” ayuu yiri maamulaha dugsiyada ee magaalada, George Parker. “Waxaan u baahanahay taageerada bulshada si aan u hubinno in hubka aysan heli karin dhalinyarada.” ayuu intaas ku daray.

Khubaradu waxay sheegeen in toogashada dugsiga ee uu ku lug leeyahay ilmo 6 jir ah ay tahay mid aad dhif u ah, halka sharciga Virginia uu xaddidayo siyaabaha ilmaha da’daas ah loogu ciqaabi karo dembigaas oo kale.

Toogashada iskuulada ayaa aafeysay dalka Mareykanka, iyadoo ay dhawaanahan ka dhaceen dhibaatooyin ay ka mid yihiin dilal bishii May ee la soo dhaafay 19 caruur ah iyo labo macalin ayaa lagu dilay magaalada Uvalde ee gobolka Texas, waxaana dilay nin 18 jir ah oo hubeysan.

Madaxweyne Xasan Shiikh oo safar shaqo ugu ambabaxay dalka Turkiga

Madaxweynaha Soomaaliya Xasan Sheekh Maxamuud iyo wafdi uu hoggaaminayo ayaa safar shaqo ugu ambabaxay dalka Turkiga, kadib casuumaad uu ka helay dhiggiisa Madaxwaynaha Turkiga Rajab Dayib Erdogaan, sida lagu sheegay

Duulaan ka Dhacay Duleedka Xudur oo Khasaaro lagu Gaarsiiyay Kooxda Shabaab

Ciidamada xoogga dalka Soomaaliya, gaar ahaan Taliska guutada 9-aad ayaa guulo ka sheegtay dagaal ka dhacay deegaanka Abagbeeday oo qiyaas ahaan 20 KM dhanka bari kaga beegan degmada Xudur ee

Xamsa Cabdi Barre oo Shacabka ugu Baaqay in loo Midoobe Dagaalka Shabaab

Ra’iisul Wasaaraha Soomaaliya, Xamsa Cabdi Barre, ayaa sheegay in dalka uu ka socdo dagaal adag oo lagula jiro Kooxda Al shabaab uu tilmaamay in yihiin kuwa kasoo horjeeda nabadda iyo

Xasan Shiikh oo dib ugu laabtay Gobolka Shabeellaha Dhexe si uu u xoojiyo dagaalka ka dhanka ah Al-Shabaab

Madaxweynaha Soomaaliya Xasan Sheekh Maxamuud oo maalmahaan kusugnaa Caasimadda Muqdisho ayaa maanta dib ugu laabtay deegaanada uu ka socdo abaabulka howlgallada ka dhanka ah KooxdaAl shabaab. Madaxweyne Xasan Sheekh ayaa

Ilhaan Cumar oo ka hadashey Qorshe looga Tarxiilayo Dalka Mareykanka

Xildhibaan Ilhaan Cumar, oo ka tirsan Koongaraska Maraykanka, ayaa sharci-darro ku tilmaantay olole ay wadaan qaar ka mid ah xisbiga Jamhuuriga iyo ganacsadaha Elon Musk, kaasi oo lagu doonayo in
Ad
Previous articleMadaxweyne Xasan oo Cabdullaahi Maxamed Nuur Xilsare U Magacaabay
Next articleAlshabaab oo War Kasoo Saartay Wadahadaladii lasheegay inay Dowlada Soomaaliya Ka Dalbadeen