Guddoomiyaha Gobobolka Banaadir Yuusuf Xuseen Jimcaale (Madaale) iyo Taliyaha Ciidanka Boliiska Soomaaliyeed oo ay wehliyaan Guddoomiye ku-xigeenka Amniga iyo Siyaasada Maamulka Gobolka Banaadir iyo Taliyaasha qeybta Guud Gobolka Banaadir ee Ciidanka Boliiska iyo Nabad Sugida ayaa xalay kormeeray degmooyinka xiga qeybta Bari gaar ahaan saldhigyada Yaaqshiid iyo Kaaraan.
Ujeedka kormeerkan ayaa ahaa u kuurgalida fulinta amarkii Madaxweynaha JFS Mudane Xasan Sheikh Maxamud kaas oo la xariiray inaan hubka culus lagu wadan karin gudaha caasimadda, islamarkaana ciidii fulin weyso sharciga la horgeyn doono
Duqa Muqdisho iyo Taliyaha Ciidanka Boliiska Janaraal Sulub Ahmed Firin ayaa faray saraakiisha amniga iyo maamulada Degmooyinka in si wadajir ah u wada shaqeeyan islamarkaana la xoojiyo howlagalada sida joogtada ah uga socda xaafadaha iyo wadooyinka Caasimadda.
Degmooyinkan ay kormeerka ku mareen duqa Muqdisho iyo taliyaha ciidanka booliiska ayaa kamid ah degmooyinka ugu amniga xun caasimadda, waxaana degmooyinkan ku xooggan ciidamo hubeesan iyo kooxaha ciyaal weerada.
