Dhacdadan ayaa booliiska lagu wargeliyay galabnimadii Arbacada. Ninka looga shakisan yahay dilka ayaa lagu qabtay laguna xiray guriga.

Booliisku ma aysan dooneyn inay faahfaahin ka bixiyaan xiriirka ka dhexeeyay haweeneyda iyo ninka la xiray.

“Arrintaasi waxay ka mid tahay waxyaabaha aan hadda baaritaanka ku sameyn doonno,” ayuu yiri afhayeenka booliiska Leif Fransson.

Guriga ayaa booliisku xireen si baaritaan farsamo loogu sameeyo. Sidoo kale, saraakiisha booliiska ayaa guryaha xaafadda garaacay, iyagoo dadka deegaanka ka ururinaya xog iyo macluumaad ku saabsan dhacdada.