Home Wararka Maanta Madaxweynaha dalka Maraykanka Joe Biden iyo hoggaamiyayaasha illaa 17 dal oo kale...

Madaxweynaha dalka Maraykanka Joe Biden iyo hoggaamiyayaasha illaa 17 dal oo kale oo caalamka ah oo ugu baaqay ururka Xamaas inay

0

Madaxweynaha dalka Maraykanka Joe Biden iyo hoggaamiyayaasha illaa 17 dal oo kale oo caalamka ah ayaa ugu baaqay ururka Xamaas inay aqbalaan hindisaha xabbad-joojinta isla markaana ay sii daayaan la haystayaasha gacanta ugu jira.

Dalalkan soo saaray bayaanka ayaa muwaadiniin u dhalatay dalalkoodu ay ka mid yihiin dadka gacanta ugu jira ururka Xamaas.

Hindisaha xabbad-joojinta ee la soo bandhigay ayay ku jiraan, “Xabbad-joojin degdeg ah, oo wakhti dheer soconaysa, taas oo sahlaysa in gargaar bini’aadanimo oo dheeraad ah in la geeyo marinka Qaza, iyada oo horseedi karta in la soo afjaro guud ahaan colaadda jirta,” ayaa lagu sheegay qoraal ka soo baxay aqalka cad ee Maraykanka.

Aqalka Cad ayaa sheegay in dadka reer Qaza ay dib ugu laaban doonaan guryahooda, iyada oo loo diyaarinayo hoy iyo adeegyada kale ee ay u baahan yihiin.

Dalalka bayaankan soo saaray ee Maraykanka ku wehelinayey waxaa ka mid ah dalalka Argentina, Austria, Brazil, Bularia, Canada, Colombia, Denmark, France, Germany, Hungary, Poland, Portugal, Romania, Serbia, Spain, Thailand iyo Ingiriiska.

Xamaas ayaa diiday hindisaha la soo jeediyey, sida uu sheegay sarkaal sare oo u hadlay maamulka Biden. Hase ahaatee wuxuu intaas ku daray inay weli jiraan dareeno ka imanaya dhinaca Xamaas oo sheegaya inay ka fekerayaan hindisahan.

Warbixino kala duwan ayaa sheegaya in Xamaas ay dalbanayso heshiis xabbad-joojineed oo dhamaystiran, in Israa’iil ay si dhamaystiran uga baxdo Gaza, in kor loo qaado gargaarka imanaya, iyo in dadka reer Gaza ay si dhamaystiran ugu laabtaan woqooyiga Gaza.

Xamaas ayaa ku eedaynaysa in Israa’iil ay ka hor-istaagayso in shacabku ay dib ugu laabtaan guryahooda.

Kulan Dhexmaray Madaxweyne Xasan Shiikh iyo Dhigiisa Jabuuti Ismail:- Sawiro

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kulan muhiim ah la yeeshay Madaxweynaha Jamhuuriyadda Jabuuti Mudane Ismaaciil Cumar Geelle, iyagoo ka wada hadlay xoojinta xiriirka walaaltinimo iyo iskaashiga

Israel oo Duqeymo ka geysatay Saldhigyo uu la Wareegayo Turkiga

Diyaaradaha dagaalka ee Israa’iil ayaa fuliyey in ka badan 15 duqeyn oo lagu qaaday garoonka diyaaradaha ee Hama, taasoo socotay xalay qiyaastii saacad iyo bar. Afhayeenka ciidamada Israa’iil ayaa sheegay

Warar laga helayo dagaal culus oo ka socda Galbeedka gobolka Mudug

Wararka ka imaanaya gobolka Mudug ayaa sheegaya inuu haatan dagaal beeleed xoogan uu ka socdo inta u dhaxeysa deegaanada Jiicboor iyo Saax qurun oo dhaca Galbeedka gobolka Mudug. Dagaalkaan oo

Maamulka Koonfur Galbeed oo soo bandhigtay xubno kasoo baxsaday Kooxda Al shabaab

Wararka ka imaanaya magaalada Baydhabo ayaa sheegaya in Afar Xubnood oo katirsanaa Kooxda Al shabaab ay isku soo dhiibeen Ciidamada Booliiska Gaar ahaan laanta Baarista Dembiyada CID-da ee Gobolka Bay.

Diyaarad ay leedahay Dowlada Israel oo ku bur-burtay Magaalada Qaza

Warbaahinta Israa’iil ayaa baahiyay in diyaarad nuuca wax basaas ah oo ay lahaayeen milatariga Israa’iil shalay ku dhacday meel ku dhaw marinka Qasa ee dhulka Falastiin, kaddib marki la sheegay
Ad
Previous articleDowladda Shiinaha oo Soo Dalbatay Caanaha Geela Soomaalida
Next articleMaraykanka oo Dhaqaalihii Ka Jartay Ciidanka Danab iyo Dowlada Soomaaliya Oo fadeexad Dhex Fadhida