Xildhibaan Ilhaan Cumar oo laga soo doorto gobolka Minnesota ayaa dib ugu laabatay xarunta Congress-ka Mareykanka, iyadoo ay wehliyaan laba qareen oo caan ah, xilli ay wajahdo baaritaanno federaal ah oo la xiriira xaaladdeeda socdaal iyo xogaha ay hore uga gudbisay dhaqaalaha.

Warbaahinta Fox News ayaa sheegtay in labada qareen, Amy Jeffress iyo Joshua Matz, oo ka tirsan shirkadda sharciga ee Heckler Fink LLP, laga arkay iyagoo Talaadadii ka baxaya xafiiska Ilhaan Cumar ee magaalada Washington, kaddib kulan qaatay ku dhowaad laba saacadood.

Qareennadan ayaa la sheegay inay u qaabilsan yihiin difaaca xildhibaanka, iyadoo ay socdaan baaritaanno ay wadaan hay’ado federaal ah oo Mareykanka ka tirsan. Labada qareen kama aysan jawaabin su’aalo ay weriyeyaashu ka weydiiyeen kalsoonida ay ku qabaan difaaca ay u diyaariyeen Ilhaan Cumar.

Taliyaha booliska gobolka Mandera, Robinson Ndiwa, ayaa xaqiijiyay weerarka, isagoo sheegay in ciidamo dheeraad ah la geeyay goobta si ay u baacsadaan kooxihii weerarka geystay, isla markaana loo xaqiijiyo ammaanka deegaanka. Ciidamo ka kala socda hay’adaha amniga ayaa sidoo kale bilaabay howlgal lagu raadinayo weeraryahannada.

Dhankiisa, guddoomiyaha gobolka Mandera, Mohamed Adan Khalif, ayaa cambaareeyay weerarka, wuxuuna xaqiijiyay dhimashada siddeedda qof ee isugu jira shan shaqaale oo mashruuca waddada ka tirsanaa, laba askari oo booliska keydka ah iyo darawalka gaariga.

Ilaa hadda ma jirto cid si rasmi ah u sheegatay mas’uuliyadda weerarka, hase yeeshee waxaa looga shakisan yahay inay ka dambeeyeen Al-Shabaab, kuwaas oo hore weerarro uga geystay deegaannada xuduudda Kenya iyo Soomaaliya.

Gobolka Mandera oo xuduud dheer la leh Soomaaliya ayaa marar badan waxaa ka dhacay weerarro ay kooxaha hubeysan ku bartilmaameedsadeen ciidamada ammaanka, dadka rayidka ah iyo mashaariicda horumarinta ee ay dowladda Kenya taageerto.