Saddex qof ayaa lagu dilay mid kalena waa lagu dhaawacay ka dib weerar hubeysan oo caawa ka dhacay degmada Dayniile ee magaalada Muqdisho.
Weerarkan ayaa yimid ka dib markii dabley hubeysan oo aan heybtooda la garan ay rasaas gaadmo ah ku fureen bar kontrol oo ciidamada amniga DF ku leeyihiin degmada Dayniile.
Dadka dhintay ayaa kala ahaa askari ka tirsan ciidamada dowlada, nin horey Gudoomiye Waaxeed uga soo noqday degmada Hodan iyo wiil ku sugnaa Kontrolka la weeraray, halka askari kalena uu dhaawac soo gaaray sida ay sheegeen masuuliyiin ka tirsan maamulka degmada.
Dableydii weerarka soo qaaday ayaa goobta ka baxsaday, waxaana socda howlgal ay ciidamada dowladu ka wadaan nawaaxiga goobta uu weerarku ka dhacay iyagoo baadi goobaya ragga weerarka soo qaaday.
Maamulka degmada iyo laamaha amaanka dowlada ayaan weli wax war ka soo saarin weerarkan oo khasaaraha geystay ee caawa ka dhacay degmada dayniile.
Diyaaradaha dagaalka ee Israa’iil ayaa fuliyey in ka badan 15 duqeyn oo lagu qaaday garoonka diyaaradaha ee Hama, taasoo socotay xalay qiyaastii saacad iyo bar. Afhayeenka ciidamada Israa’iil ayaa sheegay
Wararka ka imaanaya magaalada Baydhabo ayaa sheegaya in Afar Xubnood oo katirsanaa Kooxda Al shabaab ay isku soo dhiibeen Ciidamada Booliiska Gaar ahaan laanta Baarista Dembiyada CID-da ee Gobolka Bay.
Warbaahinta Israa’iil ayaa baahiyay in diyaarad nuuca wax basaas ah oo ay lahaayeen milatariga Israa’iil shalay ku dhacday meel ku dhaw marinka Qasa ee dhulka Falastiin, kaddib marki la sheegay
