Booliska Thailand ayaa sheegay in ay xireen haweeney looga shakisan yahay in ay dishay 12 ka mid ah asxaabteeda , kadib markii ay sumeysay.
Sararat Rangsiwuthaporn ayaa lagu xiray Bangkok Talaadadii.
Qoyska qofkii ugu dambeeyay ee ay dishay ayaa shaki geliyay kadib markii ay ku geeriyootay safar ay la gashay Sararat horaantii bishan.
Baaritaano la sameeyay kadib, booliisku waxay toddobaadkan sheegeen inay rumeysan yihiin in Sararat ay dishay 11 kale, oo uu ku jiro nin ay xiriir wadaag ahaayeen.
Booliisku waxay ku eedeeyeen inay u dishay arrimo dhaqaale, balse Sararat waa ay diiday dhammaan eedeymaha.
Mas’uuliyiinta ayaa sheegay in dhibanayaasha kale ee la sheegay inay si la mid ah u dhinteen, balse ma aysan shaacinin xog dheeri ah. Dilalka lagu eedeeyay haweeneydan ayaa bilaabmay 2020-kii, ayay yiraahdeen.
Qofka afar iyo tobanaad oo ay dooneysay in disho ayaa la sheegay in ka bad baadday iyadoo la rumeysanyahay in ka rabtay lacag amah ah, booliska ayaa yiri, Haweeneyda ayaa matagtay oo miyir doorsoontay ka dib markii ay la qadeysay Sararat balse way ka badbaaday.
