Ciidamada xoogga oo garab ka helaya kuwa deegaanka iyo kooxda Alshaabaab ayuu dagaal xooggan ku dhex marayaa tuulooyinka Warta-Dibi-Samatar iyo Boos-Caduur oo hoos taga degmada Aadan Yabaal ee gobolka Sh/dhexe.
Tiro qaraxyo ah ayaa saakay aroortii laga maqlay gudaha degmada Aadan Yabaal, kuwaas oo la sheegay in ay fuliyeen ciidamada Danab ee xoogga dalka, waxeyna saraakiisha ku sugan aaggaas sheegayaan in ay gawaari dagaal ka furteen kooxda Khawaarijta ah ee AS.
Degmada Aadan Yabaal oo ah degmadii ugu dambeysay ee gobolka Sh/dhexe oo gacanta AS ku jirta ayaa ka dhigan in aysan kusii jiri karin gobolka Galguduud, maadama laga xiray marinnadii ay gurmadka uga imaan lahaayeen, lagana laayay Ciidamadii ugu badnaa ee damacoodu ahaa difaacashada gobolada Mudug, Galguduud, Hiiraan iyo Sh/dhexe.
