Sweden: 9 Askari oo Boolis ah oo lagu Dhaawacay, 4 Gaari oo lagu gubay Rabshado ka dhacay Örebro

Ku dhawaad ​​200 oo mudaaharaadayaal ah ayaa habeenimadii jimcaha isugu soo baxay jardiinooyin ku yaala bartamaha magaalada Örebro si ay uga soo horjeedaan Paludan oo ku dhawaaqday in uu gubayo qur’aanka kariimka, waxaana goobta ka dhacay rabshado.

Ugu yaraan sagaal askari oo boolis ah iyo hal qof oo rayid ah ayaa ku dhaawacmay iska horimaadka, waxaana lagu gubay afar baabuur oo ay wateen ciidamada booliska. Dibad-baxayaasha ayaa sidoo kale qafaashay gaari ay wateen ciidamada booliiska, waxaana rasaas digniin ah ku furay booliiska.

Sida ay sheegeen dad goob joogayaal ah, xaaladuhu waxay noqdeen kuwo aad u qasan oo ay ciidamada booliisku doorteen inay ka baxaan.