Home Wararka caalamka Madaxweynaha Turkiga oo Shaaciyay Wadamada Carabta ee taageersan Qayaanada uu wato Donald...

Madaxweynaha Turkiga oo Shaaciyay Wadamada Carabta ee taageersan Qayaanada uu wato Donald Trump

0

Madaxweynaha Turkey Recep Tayyip Erdogan ayaa ku eedeeyey qaar ka mid ah dalalka Carabta inay taageerayaan qorshaha Bariga Dhexe ee uu shaaca ka qaaday madaxweyne Donald Trump, taasi oo uu ku qeexay “Khiyaano Qaran.”

“Qaar ka mid ah dalalka Carabta ee taageeraya qorshaha noocan ah waxay sameynayaan Khiyaano Qaran oo ka dhan ah Qudus, shacabkooda iyo guud ahaan bani’aadannimada” ayuu Erdogan u sheegay madax goboleedyada xisbigiisa oo uu kula kulmay Ankara.

Erdogan oo ah hoggaamiye diinta ku adag, una ololeeya xuquuqda Falastiin, ayaa si gaar ah u magacaabay Sacuudi Carabiya, Imaaraadka Carabta, Masar, Baxreyn iyo Jordan.

“Gaar ahaan Sacuudi Carabiya, waad aamusan tihiin, goorma ayaad hadli doontaan? Waxaad eegtaa Jordan, Baxreyn iyo Imaaraadka, ayagana waa la mid,” ayuu yiri.

“Ceeb ha idinku dhacdo, sidee gacmaha u sacbinaya qorshahan ay u taageeri karaan?” ayuu yiri Erdogan.

Qorshaha Trump ee nabadeynta Israel iyo Falastiin oo loogu magac daray “Heshiiska Qarniga” ayaa magaalada Barakeesan ee Qudus u aqoonsanaya caasimadda aan la kala qeybin ee Israel.

Qorshahan ayaa sidoo kale dhigaya in dhammaan deegaanada Yahuudda ee Daanta Galbeed ay kusii jiraan gacanta maamulka Israel.

10 ku laabo mudug24 xiriir

LEAVE A REPLY

Please enter your comment!
Please enter your name here