Zelensky: Hawada waa in la xiraa, haddii kale gantaalada Ruushka ayaa ku soo dhici doona dhulka NATO

“Haddii aadan xirin hawada, waa arrin waqti uun ah ka hor inta aysan gantaallada Ruushku ku soo dhicin dhulkooda, dhulka NATO,” ayuu Zelensky ku sheegay khudbad muuqaal ah oo la daabacay wax yar ka dib saqdii dhexe ee habeenkii Isniinta.

Habeenimadii Axadda, qiyaastii 35 qof ayaa lagu dilay 134 kalena waa lagu dhaawacay weerar lagu qaaday saldhigga milatari ee Javoriv, ​​sida ay sheegeen mas’uuliyiinta Ukraine.

Saldhigan ayaa ku yaala meel 25 kilomitir u jirta xuduudka dalka Poland ee NATO iyo 30 kiiloomitir waqooyi galbeed ee magaalada Lviv ee galbeedka Ukraine.

Maraykanka iyo NATO ayaa sheegay in askar ama shaqaale kale oo iyaga ka tirsan aysan joogin saldhigga intii uu socday weerarka.