Xarunta guddiga hirgelinta doorashada heer federaal waxaa wali ka socota qaadashada shahaadada xildhibaanimo, xilli ay hada gabogabo sii mareyso muddadii loo qabtay shahaado bixinta .
Musharax Madaxweyne Cabdiraxmaan Cabdishakuur Warsame ayaa saakay kamid noqday xildhibaanada gollaha shacabka ee qaatay shahaadada xildhibaanimo, waxaa sidoo kale qaatay shahaadada Xildhibaan Cabdisamad Macalin Maxamuud.
Guddiga doorashada heer federaal ayaana shalay shaaciyay liiska magacyada 193-xildhibaan oo katirsan baarlamaanka labada aqal oo qaatay shahaadada xildhibaabino, waxaana maanta iyana la filayaa in tiro kale oo xildhibaano ah qaataan shahaadada.
Xildhibaanada maamulka Koonfur Galbeed iyo xildhibaanada ku dhaw dhaw Farmaajo iyo Fahad Yaasiin ayaan wali qaadan shahaadada xildhibaanimo, waxa ayna xildhibaanadaasi kasoo horjeedaan afarta Xildhibaan ee dib loo celiyay doorashadooda.
