Magaalada Muqdisho ee caasimada Soomaaliya waxaa maanta soo gaaray mid kamid ah la-taliyeyaasha muhiimka ah ee madaxweynaha dowladda Mareykanka Joe Biden, kaas oo si weyn loogu soo dhaweeyay Aadan Cadde.
Xamza ayaa waxaa garoonka diyaaradaha kusoo dhaweeyay xildhibaano ka tirsan labada Gole, xubno ka mid ah wasaaradda arrimaha dibadda iyo maamulka gobolka Banaadir.
Intaas kadib waxaa Xamza Warfaa ayaa loo galiyay gudaha caasimada, gaar ahaan halka loo diyaariyay, halkaas oo ka uu bilaabi doono kulamo kala duwan.
Mas’uulkan ka socda dowladda Mareykanka ayaa inta uu joogo Muqdisho la kulmo doono madaxda sare ee dowladda oo uu kala hadli doono iskaashiga labada dal iyo arrimo kale.
Maalmo kahor ayey aheyd markii uu Muqdisho u yimid kaaliyaha xoghayaha maaliyadda ee Mareykanka u qaabilsan arrimaha argagixisada iyo sirdoonka, Brian Nelson, kaas oo wadahadal gaar ah la yeeshay madaxweynaha dowladda federaalka ah ee Soomaaliya.
