Faah-faahino dheeraad ah ayaa waxaa laga helayaa khasaaraha ka dhashay qarax miino oo maanta ka dhacay qaybo kamid ah magaalada Muqdisho, kaas oo lala eegtay gaari ay la socdeen ciidamo ka tirsan kuwa milatariga.
Gabi ahaan gaariga ayaa burburay, waxaana ka dhashay khasaare lixaad leh oo soo gaaray ciidamadii saarnaa Cabdi Bilaha.
Inta la xaqiijiyay ugu yaraan illaa 5 askari ayaa goobta ku dhintay, kuwaas oo kamid ahaa ciidamada saarnaa baabuurka qaraxa lagula beegsaday halkaasi.
Sidoo kale waxaa goobta gaaray ciidamo dheeraad ah iyo saraakiil ka tirsan laamaha amniga oo ku baxay dhacdadaasi, balse wax war ah kama soo saarin qaraxaasi.
Dhanka kale kooxda Al-Shabaab ayaa durbo sheegatay weerarkan gaadmada ah ee lagu laayay ciidamada, kana dhacay waddada dheere ee aadan deegaanka Daarusalaam
Si kastaba, weeraradan ayaa kusoo aadayo, ayada oo weli halkiisii yahay dagaalka ka dhanka ah Al-Shabaab oo la filayo in wajigiisa labaad uu ka billowdo gobollada dalka.
