Home Wararka Maanta Wararkii ugu Danbeeyey Mareykanka oo war kasoo saaray wadahadalladii xabbad joojinta ee...

Wararkii ugu Danbeeyey Mareykanka oo war kasoo saaray wadahadalladii xabbad joojinta ee Israa’iil iyo Xamaas

0

Xoghayaha arrimaha dibadda ee Mareykanka Antony Blinken ayaa shalay isagoo ku sugan magaalada Qaahira ee caasimadda Masar sheegay inuu aaminsan yahay in wada hadallada ay Mareykanka, Qadar iyo Masar garwadeenka ka yihiin ay weli suurtogelin karaan heshiis xabbad-joojin ah oo u dhaxeeya dagaa-yahannada Falastiiniyiinta ee Xamaas iyo Israa’iil.

Wadahadallada Qadar ayaa waxaa udub dhexaad u ah xabbad-joojin lix toddobaad socota taasoo oggolaan doonta sii deynta 40 Israa’iiliyiin ah oo la haysto iyadoo lagu beddelanayo boqollaal Falastiiniyiin ah oo ku jira xabsiyada Israa’iil, tanoo sidoo kale waddada u xaareysa in gargaar badan la geeyo Qasa oo macluul qarka u saaran.

Blinken ayaa sheegay in dhexdhexaadiyeyaasha ay shaqada wadaan, isla markaana la isu soo dhowaanayo, welina ay xoogga saarayaan heshiis lagu gaaro Dooxa.

Wuxuuse xusay in weli ay jiraan caqabado balse wax walba ay suurtogal yihiin. Arrinta ugu weyn ee la isku mari la’yahay ayaa ah in Xamaas ay sheegtay in dadka ay qafaalatay ay keliya sii deyn doonto haddii la gaaro heshiis soo afjaraya dagaalka, halka Israa’iilna ay sheegtay inay arrintan tahay mid ku meel gaar ah.

Dhanka kale, warsaxaafadeed kasoo baxay xafiiska raysal wasaaraha Isra’iil Benjamin Netanyahu ayaa lagu sheegay in madaxa sirdoonka Israa’iil David Barnea uu maanta u duuli doono Qadar si uu ula kulmo dhexdhexaadiyeyaasha.

Israa’iil ayaa sidoo kale sheegtay inay maalmo kale oo dheeraad ah sii waid doonto duqeymaha isbitaalka alshifa ee magaalada Qasa. Xaruntan waa tan keliya ee caafimaad ee qeyb ahaan weli ka shaqeyneysa waqooyiga Gaza, muddo afar maalmood ayayna haatna ku socdaan duqeymaha.

Israa’iil ayaa sheegtay in xaruntan ay hoy u tahay dagaalyahannada Xamaas, taasoo Xamaasna ay beenisay.

Hore ayay Israa’iil u sheegtay in dhowaan ay gudaha iyo agagaarka isbitaalkan ku dishay 150 dagaalyahanno ah ayna qabatay 358 kale.

Wafdi Kala Duwan iyo Ciidan gaaray Magaalada Laascoonood Xili uu ku Wajahanyahay Raisal Wasaare Xamze

Wararka aan ka heleyno magaalada Laasaanood ee xarunta maamulka SSC Khaatumo, ayaa sheegaa in saakay halkaasi gaareen wafdi horudhac u ah safarka Ra’isul Wasaaraha Xukuumadda Soomaaliya iyo qaar kamid ah

Caalamka:- Wada-hadal Dhexmara Mareykanka iyo Iran oo ka dhacaya Muscat

Madaxweynaha Mareykanka, Donald Trump ayaa Isniintii ku dhawaaqay in dowladdiisu ay wada hadal toos ah la bilaabeyso Iran, kaas oo la xiriira barnaamijkeeda sameysashada ee hubka nuclear-ka iyo sidii ay

Caalamka:- Qaxootiga gaarey Mareyakanka Xiliga Biden oo lagu Amray in Dalka ka baxaan

Dad badan oo muhaajiriin ah oo kunool gobollo katirsan dalka Mareykanka, ayaa haatan waxaa soo wajahay walaac kale oo hor leh, kaddib markii dowladda Madaxweyne Trump soo saartay amar cusub

Horjooge ka tirsan Shabaab iyo 20 Xubnood oo kale oo lagu dilay gobolka Shabeellaha Dhexe

Warar dheeraad ah ayaa kasoo baxaya howlgal qorsheysan oo ay iska kaashadeen ciidanka dowladda iyo saaxiibada Caalamka oo laga fuliyay deegaanka Masaajid Cali Gaduud ee gobolka Shabeellaha Dhexe. Howlgalka oo

Ciidanka Dowlada iyo kuwa Deegaanka oo la wareegay Gacan ku heynta deegaanka Geelgub ee gobolka Shabeellaha Dhexe

Wararka ka imaanaya gobolka Shabeellaha Dhexe ayaa sheegaya in aroorninadii hore ee saakay ciidamada xoogga dalka iyo kuwa deegaanka howlgal qorshaysan kaga saareen deegaanka Geelgub ee gobolka Shabeellaha Dhexe maleeshiyaadka
Ad
Previous articleXaggee ayuu xeebaha Soomaaliya kaga sugan yahay markabka MV Abdullah ee gacanta ugu jira burcad-badeedda Soomaalida oo Hub ku Rakibtay Markabka Dushiisa?
Next articleCodad ay duubeen ragga saaran markabka u afduuban burcadda oo soo gaaray warbaahinta iyo wixii ay arkeen