Madaxweynaha dowladda federaalka Soomaaliya Xasan Sheekh Maxamuud ayaa booqasho ku tagay dalka Eritrea, waxa uuna dalkaasi u tagay sidii uu ugu kuurgali lahaa nolosha dhallinyaro badan oo Soomaaliyeed oo dalkaasi tababar loogu qaaday.
Xasan Sheekh oo tagay xero ciidan ayaa lasoo kulmay qaar badan oo kamid ah dhallinyaradii tababarka loo geeyay dalka Eritrea, waxaana dhallinyaradaasi qaarkood ka muuqatay diif xoogan.
Sawirro iyo muuqaalo laga soo qaaday qaar kamid ah dhallinyaradaasi ayaa waxaa wajiyadooda aqoonsaday waalidiintooda iyo ehelkooda oo warkooda la’aa, waxaana jira waalidiin badan oo farxad la ilmeeyay markii indhaha saareen wiilashooda.
Waalidiintan ayaana uga mahadceliyay Madaxweyne Xasan Sheekh dedaalka uu ugu jiro sidii wiilashaasi dalkooda dib loogu soo celin lahaa, waxa ayna mar kale ka codsadeen Madaxweynaha in deg deg wiilashooda ugu soo celiyo.
Madaxweyne Xasan Sheekh ayaa adkeeyey fulinta ballan-qaadkiisii ku aaddanaa soocelinta ciidanka Soomaaliyeed ee ku sugan Ereteriya, isaga oo xusay sida shacabka Soomaaliyeed ay ugu farxayaan cududdooda halka ay cadawga argagaxisaduna ka naxayaan muuqooda.
