Dowladda federaalka Soomaaliya ayaa sheegtay in duqeyn ay iska kaashadeen ciidamada dowladda iyo Howgalka Militariga Mareykanka ee Afrika ( AFRICOM), laga fuliyay deegaanno ka tirsan Shabeellada Dhexe oo ay ku suganaayeen Al-Shabaab.
War-saxaafadeed ka soo baxaya dowladda ayaa lagu sheegay in duqeyntaas lagu laayay tiro badan oo ka tirsan al-Shabaab hase-yeeshee laguma sheegin qoraalka inta ay tiradaasi la ektahay.
Waxaa intaas lagu daray in la qiimeynayo khasaaraha duqeyntaas ka dhashay ee gaaray Shabaab. Sidoo kale warka ka soo baxay dowladda ayaa in duqeynta lagu bartilmaameedsaday dagaalamayaasha al-Shabaab ee dagaalka shalay la galay ciidamada xoogga Soomaaliya ee ku sugan deegaanka Alkowsar ee gobolka Shabeelaha Dhexe.
Ma jirto cid si madax bannaan u xaqiijinaysa sida halkaa wax uga dhaceen, marka laga yimaado warka qoraalka ah ee ka soo baxay Wasaaradda War-faafinta Dwladda Dederaalka Soomaaliya.
