Sida uu sheegay taliyaha guud ee ciidanka dowladda Ukraine, General Valeriy Zaluzhny ku dhawaad 9,000 oo askari oo reer Ukraine ah ayaa la dilay tan iyo markii uu bilowday duulaanka Ruushka.
Hadalka Zaluzhny, oo ay soo warisay wakaaladda wararka ee Interfax-Ukraine, ayaa bixinaysa qiyaasta tirada khasaaraha, tan iyo markii uu dagaalka billowday ku dhawaad lix bilood ka hor.
La taliyaha Madaxweynaha Ukraine, Oleksiy Arestovych, ayaa Bishii Juun sheegay in 10,000 oo askari ay dhinteen tan iyo bilowgii dagaalka.
Ruushka ayaan soo gudbinin tirada rasmiga ah ee dhimashadooda, tan iyo 25-kii bishii Maarso, markaasoo mas’uuliyiintu ay sheegeen in 1,351 askar iyo saraakiil inay dhinteen.
Ma jirto cid xaqiijisay sheegashada labada dhinac, hase ahaatee waxaa la aaminsan yahay in tirada ay shaaciyeen ay si weyn uga badan tahay askarta lagu dilay dagaalka labada dhinac ee lix bilood jirsaday.
