Turkiga oo ku eedeeyay Mareykanka in uu taageero Argagixisada

Madaxweynaha Turkiga Recep Tayyip Erdogan ayaa ku eedeeyay Mareykanka inuu taageerayo argagixisada isla markaana uu garab siinayo maleeshiyaadka Kurdiyiinta PKK.

Turkiga ayaa ku eedeeyay dilka 13 qof inay ka dambeeyeen kooxda PKK, hase ahaatee Mareykanka ayaa sheegay in uu cambaareynayo dilka waa haddii la xaqiijiyo in kooxda PKK ay ka dambeysay.

Erdogan ayaa ku tilmaamay hadalka Mareykanka mid jees jees ah ah, taasoo keentay in Turkiga u yeero safiirka Mareykanka u fadhiyo Ankara kadib caro ka dhalatay hadalka kasoo baxay Mareykanka.

Turkiga wuxuu sheegay in 13 qof laga helay god ku yaalla gobolka buuraleyda ah ee waqooyiga dalka Ciraaq ka dib hawlgal ka dhan ah kooxda Kurdiyiinta ee PKK oo ay halkaa ka fuliyeen.

PKK ayaa sheegtay in 13ka qof ee Turkiga ah oo iskugu jiray milateri, Boolis iyo Sirdoon ay ku dhinteen iska horimaadka dhexmaray labada dhinac.

hase ahaatee Wasiirka gaashaandhigga ee Turkiga, Hulusi Akar ayaa sheegay in dhammaan maydadka la helay mid mooyaane inta kale ay madaxa kaga taallo rasaas taasoo muujineysa in loo gaystay dilal bareer ah.

 

Be the first to comment

Leave a Reply

Your email address will not be published.


*