Wasiirka Arrimaha Dibadda Somaliland Ciise Kayd oo warbaahinta la hadlay ayaa sheegay in Somaliland ay hal shuruud Itoobiya uga xirtay inay saxiixdo heshiiska.
“Heshiiska rasmiga ah Somaliland ma saxiixi doonto ilaa Itoobiya ay ka aqoonsato Jamhuuriyadda Somaliland, wax Soomaaliya ka quseeyana malahan heshiiskaas, weligeedba Soomaaliya waa ka xumeed hormarka Somaliland,” ayuu yiri wasiirka arrimaha dibada Itoobiya.
“Wax kasta Itoobiya waxay uga xiran yihiin inay na ictiraafto, sidoo kale weli lama cayimin dhulka la siinayo Itoobiya hadda kadib ayaa laga shirayaa oo go’aan laga gaarayaa,” ayuu yiri wasiir Keyd.
Wasiirka waxaa la weydiiyey waxa ay Somaliland ka yeeleyso dacwadaha iyo dalalka iyo ururrada caalamiga ah u dirtay dowladda federaalka Soomaaliya, wuxuuna sheegay in ayaguna ay qoraalo u dirayaan caalamka.
“Dunida waxaan u sheegeynaa in aanu nahay dal madax-banaan, xaqna aan u leenahay inaan ka tashano masiirkeena,” ayuu hadalkiisa ku sii daray wasiirka arrimaha dibadda Somaliland Ciise Keyd.
