Weerar bambaano oo lagu qaaday suuq mashquul badan oo ku yaalla magaalada Baqdaad ee dalka Ciraaq ayaa lagu laayey ugu yaraan 35 qof halka tobaneeyo kalena lagu dhaawacay.

Sida ay sheegeen ila wareedyo dhanka amniga ah qaraxa ayaa ka dhacay suuqa ku yaal waqooyiga magaalada Sadr, xilli qoysasku isu diyaarinayeen ciidda Ciidul Adxa oo maanta ku beegan.

Wuxuu ahaa qaraxii ugu dhimashada badnaa ee ka dhaca Baqdaad muddo lix bilood ah.

Kooxda dowladda Islaamka ee Daacish  ayaa sheegatay mas’uuliyadda, waxayna sheegeen in mid ka mid ah xubnahooda uu qarxiyay jaakad lagu rakibay walxaha qarxa.