Ra’iisul wasaaraha Israa’iil, Benjamin Netanyahu, ayaa socdaal ku maraya marinka Qaza xilli lagu jiro maalinkii saddexaad ee, halkaasoo uu kula hadlay askar, wuxuuna booqday mid ka mid ah godad dhulka hoostiisa mara.
Netanyahu ayaa yiri: “Waxaan halkaan joognaa Qaza annaga iyo dagaalyahannadayada geesiyaasha ah, waxaan sameyneynaa dadaal kasta oo aan ku soo celineyno dadka nalaga afduubtay, ugu dambeyntiina waan soo celin doonnaa dhammaan.
“Saddex hadaf ayaan ka leenahay dagaalkan: baabi’inta Xamaas, soo celinta dhammaan dadka nalaga afduubay iyo in la hubiyo in Qaza aysan markale khatar ku noqonin Dawladda Israa’iil.”
Tani waxay kusoo aadaysaa iyadoo maxaabiis isdhaafisigii saddexaad uu hadda dhacay kaas oo ay labada dhinacba xaqiijiyeen inay maxaabista iyo la haystayaashu gaareen gacanta Guddiga caalamiga ah ee bisha cas.
