Maxkamadda sare ee maamul goboleedka Puntland ayaa war kasoo saartay go’aannadii kasoo baxay Isimada dhaqanka SSC oo maalin ka hor shaaciyay in aysan qayb ka noqon doonin doorashada maamulkaas, ayna isaga baxeen.
Axmed Sheekh Cumar oo ah nin kasoo jeeda SSC ayaa ka horyimid go’aanka ay qaadeen Isimada Khaatuma wuxuuna sheegay inuu ka dhiman yahay habraaca loo maro heshiisyada iyo ka bixistooda, kaas oo ah is waafajinta danaha dhinacyada uu khuseeyo go’aanka.
“Inuu go’aanka Isimada ka dhiman yahay habraaca loo maro heshiisyada ama ka bixistooda habraacyadaas oo ah kuwa is waafajinaya danaha dhinacyada ay khuseeyaan, maadaama uu go’aankooda ku dhisan yahay maslxadda hal dhinac oo kaliya” ayuu yiri.
Sidoo kale wuxuu hoosta ka xariiqay in Puntland ay xaq u leedahay inay qabsato doorashadeeda, maadaama ay go’aankani lasoo daaheen Isimada SSC-Khaatuma.
Waxaa kale oo uu ku taliyay in doorashada dib loo dhigo inta xal laga gaarayo, isla markaana kharashaadkii baxay ay dagamaad qaado SSC-Khaatuma.
Si kastaba, Xaaladda Puntland ayaa haatan ah mid cakiran, waxaana isugu darsamay khilaafka doorashada oo aan xal loo helin iyo go’aanka ay qaateen Isimada SSC.
