Gelinka dambe ee maanta ayaa lagu wadaa in dalka Iran ay ka dhacdo baroor-diiq loo sameynayo madaxii siyaasadda ee ururka Xamaas, Ismaaciil Haniyah oo la dilay Arbacadii shalay. Hoggaamiyaha ugu sareeya Iran, Ayatollah Ali Khamenei, ayaa tujin doona salaad Janaaso ah ka hor inta aan hogaamiyihii Xamaas loo qaadin magaalada Dooxa ee dalka Qadar, halkaa oo lagu wado in lagu aaso.
Iran ayaa ku eedeysay Israa’iil inay ka dambeysay dilka. Warbaahinta Mareykanka oo soo xiganeysa saraakiil Iraniyiin ah ayaa sheegtay in hoggaamiyaha ugu sarreeya Iran uu amray weerar toos ah oo ka dhan ah Israa’iil.
Mr Khamaney ayaa mar sii horeysay sheegay in dalkiisa uu waajib ka saaran yahay inuu jawaab ka bixiyo, maadaama Ismaaciil Haniyah uu ku dhintay dhulka Iran.
Ra’iisul wasaaraha Israa’iil, Benjamin Netanyahu, ayaan ka hadlin dilka Haniyah, balse waxa uu uga digay Israa’iiliyiinta in maalmo adag ay fooda ku soo hayaan. Wuxuu sheegay in dalku uu diyaar u yahay xaalad kasta.
Maleeshiyaad aad u hubeysan oo ka tirsan kooxda Al-Shabaab ayaa maanta mar kale lagu arkay miyiga ku xeeran magaalada Baydhabo ee gobolka Bay sida ay sheegayaan dadka deegaanka iyo qaar
Ciidamada Puntland ayaa shalay hawlgal ballaaran ka fuliyey dooxada Miraale, halkaas oo ay ku dileen dagaalamaayal ka tirsan kooxda Daacish oo halkaas ku dhuumaalaysanayey muddo dheer. War kooban oo kasoo
Xukuumadda Somaliland oo ka hadashay dagaalkii shalay ku dhexmaray ciidamadeeda iyo kuwa SSC-Khaatumo deegaanka Dhuumadare ee gobolka Sanaag, ayaa sheegtay in uu qarxay kadib markii maleeshiyaad ay taageerto Soomaaliya ay
