Saraakiisha militariga Mareykanka ayaa baafinaya diyaarad dagaal oo ka mid ah kuwa ugu qaalisan dunida, taas oo ka luntay. Diyaarada ayaa ah nooca F-35 ee militariga oo la waayay kadib markii duuliyihii waday uu ka soo booday xilli uu marayay hawada South Carolina ee dalka Mareykanka.
Waxaa diyaaradan la waayay galabnimadii Axadda xilli ay ku duuleysay hawada koonfurta gobolka South Carolina.
Saraakiisha ayaa sheegay in diyaaraddu ay ku timid cillad balse ma aysan bixin faahfaahin waxa ay tahay cilladaasi.
Duuliyihii wadan diyaaradda ayaa ka so booday isaga oo isticmaalaya Baarshuud.
Saraakiisha ayaa sheegay in baadigoobkooda ay diiradda ku saareen agagaarka harada Moultrie iyo harada Marion, ee waqooyiga magaalada Charleston.
Nancy Mace, oo ah xubin ka tirsan Congress-ka ka soo jeedda xisbiga Jamhuuriga ee South Carolina, ayaa ku qortay barteeda Twitter: “Sidee ayay u lumi kartaa F-35?
“Sidee loo waayay qalab lagula socon karo oo dadweynaha looga codsan dadwaynaha in ay diyaarada raadiyaan?”
Diyaaraddu dagaal waa mid si qarsoodi ah ku duuli karta – si ay cadowga ay bartilmaameedsanayso u ogaan taasoo la macno ah in raadaarada aysan soo qaban karin taasi oo adekeysay markii hore baadigoobka .
saraakiisha Saldhigga Charleston ayaa ka hor inta aan diyaaradda la helin soo jeediyay codsiga caawimaadda X. “Kooxaha bixiya jawaabaha degdegga ah waxay wali isku dayayaan inay helaan F-35,” ayay lagu yiri.
Codsiga ka yimid militariga Mareykanka ayaa ku dhiirigeliyay xilligaasi qof kasta oo haya macluumaadka caawin kara kooxda gurmadka inay la xiriiraan xarunteeda hawlgallada.
Ciidamada Marines-ka ayaa bayaan ay siiyeen BBC-da ku sheegay in aqoonta ay u leeyihiin dhacdadan ay tahay mid”xaddidan” ilaa hadda, ayna wali isku dayayaan inay ururiyaan xog dheeraad ah.
Waxay intaas ku dareen in cilladda ku timid diyaaradani dagaal ay “baaritaan”. ku sameyn doonaan.
Diyaaraddan dagaal ayuu qiimaheedu yahay $100 milyan, sida uu BBC-da u sheegay soo-saareheeda Lockheed Martin.
Diyaarad labaad oo ah nooca F-35 ah oo ay isku mar duu;leen diyaarada la la,yahay ayaa si nabad ah ugu soo laabatay saldhigga, sida ay wakaaladda wararka ee Associated Press u sheegtay afhayeenka ciidamada Maj Melanie Salinas.
Saacado dheer oo baadigoob ah ka dib ayaa waxaa diyaaradan haraadiga burburkeeda laga helay degmada Williamsburg.
War qoraal ah oo ay soo saareen, saraakiishu waxay ku sheegeen in burburka laga helay degmada Williamsburg, oo laba saacadood waqooyi bari ka xigta Saldhigga Charleston.
Sannadkii 2018-kii, militariga Mareykanka ayaa si ku meel gaar ah u joojiyay gabi ahaan diyaaradahooda F-35 kadib shil ka dhacay South Carolina.
War qoraal ah oo ay soo saareen, saraakiishu waxay ku sheegeen in burburka laga helay degmada Williamsburg, oo laba saacadood waqooyi bari ka xigta Saldhigga Charleston.
Maxay tahay diyaaradda F-35
Diyaaraddan ayaa ah tii ugu casrisaneed ee ay ciidamada badda Mareykanka isticmaalaan, iyada diyaaraddu ay ka sameysan tahay qalab sir ah.
Waxay awood u leedahay inay is hor taagto hannaanka diyaaradaha kale iyo qalabkeeda hawada ayaa diyaaraddan ka dhigaya mid ka sarreysa diyaaradaha kale ee dagaalka.
Waxay leedahay hannaan khiyaamaya amaba dhaafaya raadaarka diyaaradaha cadowga, cirka iyo dhulka.
Waa diyaaraddii ugu horreysay ee ciidamada Badda Mareykanka taaso si sahlan uga howlgeli karto hawada cadowga.
Baalasha dhaadheer iyo matoorka xoogga badan ee ay ku duushana wuxuuu sahlaya iney si fudud uga duusha markabka dushiisa.
Waxaana diyaaraddaasi ku rakiban matoorka ugu awoodda badnaa oo la saaro diyarad dagaal kuna socon karo xawaare dhan 1,200 daqiiqaddiba.
Waxayna baalasheeda ku qaadi kartaa laba gantaal iyo afar gantaal oo gudaha ah.
Wey ka weyn tahay keliya diyaarad dagaal. F-35 ma aha keliya diyaarad dagaal balse sidoo kale waa mid muddo jiri karta.
Shaqooyinkeeda, waxaa ka mid ah inay awood u leedahay inay nadiifiso hawada diyaaradaha cadowga ee qalqalka gelin kara ciidamada Maryekanka.
Balse taasi waa uun billow. Hannaanka xog-uruurinta ee F-35 ayaa xogta sirdoonka ka uruurin karta una qeybin karta meelo kala duwan.
Waxaa sii dheer wwoodda ay u leedahay in wadayaashu ay ku dejin karaan meel walba iyo qaab walba iyadoo awoodda inay qaaddo hubka nukliyeerka.
