Home Wararka Maanta Maraykanka oo Khamiistii codka diidmada qayaxan u isticmaalay qaraar looga Danaynaayay Falastiin

Maraykanka oo Khamiistii codka diidmada qayaxan u isticmaalay qaraar looga Danaynaayay Falastiin

0

Maraykanka ayaa Khamiistii codka diidmada qayaxan u isticmaalay qaraar ay soo diyaarisay Qaramada Midoobay, kaas oo jidka u xaadhaya in xubinimo buuxda la siiyo dawlad ay leeyihiin Falastiiniyiintu.

Qaraarkan oo la horgeeyey golaha ammaanka ee Qaramada Midoobay, waxaa taageeray 12 xubnood, waxaa ka aamusay laba xubnood halka Maraykankuna uu ka soo horjeestay.

Falastiin ayaa waxaa hadda ergo aan rasmi ah oo metela ku leh golaha Qaramada Midoobay.

Maraykanka iyo Ingiriiska ayaa dhinaca kale ku dhawaaqay inay cunaqabatayno cusub ku soo rogayaan Iran.

Tallaabadan ayaa ku soo beegmaysa, iyada oo hoggaamiyayaasha Midawga Yurub oo ku shirsan Brussels ay wacad ku mareen inay kordhinayaan cunaqabataynada ay saarayaan Iraan, iyaga oo bartilmaameedsanaya nidaamka diyaaradaha aan duuliyaha lahayn iyo gantaallada ay geeyaan meelaha ay ka hawlgalaan ururada gacansaarka la leh sida Gaza, Yemen iyo Lubnaan.

Cunaqabataynta Maraykanka ayaa bartilmaameedsanaysa shakhsiyaadka iyo shirkadaha soo saara mishiinada ay isticmaalaan diyaaradaha yaryari iyo weliba dhinacyada soo saara birta loo adeegsado.

Ad
Previous articleIiraan oo Ka Hadashay Gantaaladii la Sheegay Xalay inay Israail kusoo Qaaday
Next articleWar Deg Deg ah: Xiisada Dabdamiska oo War Cusub kasoo Baxay

LEAVE A REPLY

Please enter your comment!
Please enter your name here