Lix Qof oo lagu dilay toogasho ka dhacday Dalka Mareykanka

Toogashada ayaa dhacday habeenimadii Axada Xiliga Mareykanka, waxaana muuqaal lagu baahiyay baraha bulshada uu muujinayay dad wadada ku sii ordayay oo dhawaqa rasaasta laga maqlayo.

Booliska ayaa barta Twitter-ka ku booriyay dadka inay ka fogaadaan waddooyinka magaalada hoose.

Sida ay sheegayaan wararka BNO , nin watay gaari ayaa rasaas ku furay dad bannaanka ka jooga maqaayad ku taal bartamaha magaalada.

Sida ay sheegeen dad goob joogayaal ah, waxa uu adeegsaday qoriga darandooriga u dhaca, waxaana la sheegay in uu riday in ka badan 50 xabadood.

Askarigii falkan geystay ayaa la sheegay in uu goobta ka baxsaday, mana jirto cid ay boolisku soo qabteen.