Guddiyada qaban qaabada doorashada guddoonka labada aqal ee Baarlamaanbka federaalka Soomaaliya ayaa diiwaangeliyay sidoo kale siiyay shahaadada musharaxnimo musharaxiin badan oo u taagan guddoonka labada aqal ee Baarlamaanka federaalka.
Doorashada guddoomiyaha gollaha shacabka iyo labadiisa kuxigeen ayaa waxaa isku diiwaan geliyay 20-musharax, kuwaa oo tartan adag u geli doono hanashada saddexda kursi ee guddoonka gollaha ah.
Musharaxiinta ugu badan ayaa isku soo taagay xilka guddoomiyaha gollaha shacabka, waxaana kursigaasi loo diiwaangeliyay ilaa 8-musharax halka kuxigeenka 1-aad ku tartamayaan 7-musharax, waxaa sidoo kale kuxigeenka 2-aad u taagan 6 musharax.
Doorashada guddoonka gollaha shacabka ayaana la filayaa in ay adkaato, waxaana ku loolami doona musharaxiin ay kala wataan Villa Soomaaliya iyo qaar kamid ah musharaxiinta Mucaaradka .
Loolanka ugu adag ee doorashada Madaxweynaha Soomaaliya ayaana lagu ogaan doonaa cida ay u badan doonto natiijada kasoo baxda doorashada guddoonka labada aqal ee lagu wado in isbuucan ka dhacdo Muqdisho.
Akhriso magacyada Musharaxiinta isku diiwaangelisay guddoonka gollaha shacabka
Guddoomiyaha Gollaha Shacabka
