Qoraal ka soo baxay Alqaacidada Gacanka Carbeed (Al Qaeda in the Arabian Peninsula, AQAP) ayaa lagu xaqiijiyey in Xamad bin Xamuud Al Tamiimi lagu dilay Hoy uu ka deganaa Gobalka Ma’rib ee dalka Yemen bishii la soo dhaafay ee February 26-dii.
Hogaamiyahaasi oo Sacuudiga u dhashay waxaa loo yaqaanaa C/Casiis Al Cadnaani, wuxuuna ahaa Sarkaal dhanka Warbaahinta ee Alqaacidada Yemen ee AQAP.
Duqeyn Diyaarad Daroon oo ay Milliteriga Maraykanka leeyihiin ayaa fulisay duqeyntii lagu dilay Hoggaamiyahaasi iyo Sarkaal kale oo lagu magacaabo Abu Naasir Al Xadhrami.
Dhanka kale, Afar Taliye oo ka tirsanaa Kooxda Daacish-ta Khorasan (The Islamic State Khorasan) ee ka dagaalanta dalka Afgaanistaan ayaa lagu kala dilay dalalka Pakistan iyo Afgaanistaan.
Afartaas Sarkaal oo ay Dowladda Hindiya ku raad-joogtay ayaa la dilay muddo hal bil gudaheeda, waxaana magacyadooda lagu kala sheegay: Sayid Nuur Shalobar, Sayid Khalid Raza, Ejaz Ahmed Ahangar oo loo yaqaano Abu Usman al-Kashmiri iyo Bashir Ahmed Peer oo loo yaqaano Imtiaz Alam.
Mareykanka ayaa si cad u diiday inuu taageero qorshaha Qaramada Midoobay ee lagu maalgelinayo ciidamada nabad ilaalinta Midowga Afrika ee AUSSOM, kuwaas oo ka howlgala Soomaaliya. Tallaabadan ayaa dhalisay walaac
Dowladda Maraykanka ayaa qorshaynaysa in ay xidho ku dhawaad 30 safaaradood iyo qunsuliyadood oo ay ku leedahay waddamada caalamka, sida ku xusan dhukumeentiyo ay heshay CNN oo ay diyaarisay Waaxda
Waxaa maanata magaalada Muqdisho si rasmi ah uga bilaawday diiwaangalinta cod bixiyayaasha oo ah talaabadii ugu dambeysay ee ka harsanayd bilaabashada doorashada qof iyo codka ah ee golayaasha deegaanka. Guddoomiyaha
