Madaxweynaha Koonfur galbeed, ayaa wafdi wasiirro ah usoo diray magaalada Gaalkacyo, oo ay ku sugan yihiin boqolaal qoys oo Somaliland ay si khasab ah ugasoo saartay magaalada Laascaanood.
Wafdigaan oo ahaa guddi horey loogu xilsaaray dadka Laascaanood lagasoo tarxiilay, ayaa Gaalkacyo u tagay si ay u qiimeeyaan xaaladda qoysaskaas iyo sidii Koonfur galbeed ugu fidin lahayd gurmad
Masuuliyiin katirsan Puntland iyo odayaasha Koonfur Galbeed ee gobalka Mudug ayaa wefdiga kusoo dhaweeyay garoonka diyaaradaha ee Gaalkacyo.
Wafdigaan ayaa isla maanta lagu wadaa inay kormeer ku tagaan goobaha dib u dajin loogu sameeyay qoysaska lasoo barakaciyay, si ay uga dhegaystaan warbixinno ku saabsan xaalkooda.
Wafdiga Gaalkacyo soo gaaray waxay ka kooban yihiin, Wasiirka arrimaha gudaha, Wasiirka Qorshaynta, Wasiirka Gaadiidka, Wasiirka Gargaarka iyo Lataliyaha Madaxweynaha ee Haweenka.
