Madaxweynihii hore ee maamul goboleedka Puntland, ahna Senator ka tirsan Aqalka Sare ee Soomaaliya, Cabdiraxmaan Maxamed Faroole ayaa si adag uga hadlay habraaca wax ka beddelka ee ay shalay saxiixeen xildhibaanada labada aqal.
Sidoo kale wuxuu tilmaamay in go’aanka shalay ay gaareen xildhibaannada uusan ahayn mid cadaalad ah, sida uu hadalka u dhigay.
“Shalay waxaa Muqdisho kasoo baxay wax cadaalad ahayn oo waxaa lagu takrifalay jiritaanka dalka” ayuu yiri madaxweynihii hore ee maamulka Pununtland.
Xasan Sheekh Maxamuud waxaan u sheegayaa in wixii kasoo baxay Baarlamaanka in uusan saxiixin inta laga heshiinayo” ayuu hadalkiisa sii raaciyay.
Hadalkan ayaa Faroole waxa uu ka sheegay caleema saarka madaxweyne Deni oo uu goobjoog ka ahaan madaxweynaha dowladda federaalka Soomaaliya.
Shariif ayaa dhankiisa cambaareeyay “”Waxaan cambaaraynayaa habka gurracan ee loo agaasimay kulankii maanta ee Baarlamaanka iyo go’aankii loo gaaray habka khilaafsan xeerarka dalka iyadoo aan waxba la xeerin,” ayuu yiri Madaxweynihii hore Shariif.
