Waxaa goordhaw qarax nuuca gaadiidka hoosta looga xiro oo jugtiisa si weyn looga maqlay qeybo kamid ah magaalada Muqdisho ayaa ka dhacay degmada Xamar Weyne gaar ahaan  isgoyska Via-Roma.
Goobjoogayaal ayaa ku waramay in qaraxa uu ahaa mid lagu xiray gaari raaxo oo hareeraha waddada yaalay, waxaana xilliga qaraxa dhacayay la sheegay in gaariga uusan saarneyn darawalkii watay.
Inta la xaqiijiyay hal qof oo shacab ah oo la sheegay in ay aheyd haweeney mooto bajaaj saarneyd ayaa qaraxa ku dhaawacantay , waxaana goobta uu qaraxu ka dhacay gaaray ciidamo katirsan dowladda oo baaritaano sameeyay.
Qaraxyada gaadiidka raaxada hoosta looga xiro ayaa mararka qaar ka dhaca magaalada Muqdisho , waxaana qaraxyadan inta badan waxyeelo xooggan gaarsiisaa darawalada wata gaadiidkaasi lagu xiro.
