Taliska ciidamada Xoogga dalka Soomaaliyeed ayaa faah-faahin dheeraad ah ka bixiyay khasaaraha ka dhashay dagaal aad u cuslaa oo gelinkii dambe ee shalay ka dhacay duleedka deegaanka Caad oo dhaca koonfurta gobolka Mudug.
Dayax ayaa tilmaamay in ciidamada Xoogga dalka oo weerarka qaaday ay cagta mariyeen saldhigyo maleeshiyaadka Al-Shabaab kulahaayeen halkaasi, laguna laayay xubno badan oo uu sheegay inay ciidamadu kor tageen maydadkooda, sida uu hadalka u dhigay.
Sidoo kale wuuxuu soo hadal qaaday dagaal kale oo isna ka dhacay deegaanka Baraag oo u dhow magaalada Caad, kaas oo khasaare kale lagu gaarsiiyay kooxda Al-Shabaab.
“Khasaaraha Khawaarijta soo gaaray lama soo koobi karo, meel kasta waxay daad gureynayaan khasaarihii soo gaaray, gaadiidna waa laga gubay oo kuwa dagaalka ah, hub badana waa laga helay”. ayuu hadlajiisa yari taliyaha ciidanka dhulka ee Xoogga dalka.
Howlgalladan ayaa kusoo aadayo, ayada oo shalay wasaaradda difaaca Soomaaliya ay shaaca ka qaaday in dagaalladii ugu dambeeyay lagu dilay 130 ka tirsanaa Al-Shabaab.
