Guddiga xallinta khilaafaadka doorashada heer federaal ayaa goordhaw qoraal ay soo saareen waxa ay ku fasaxeen lix kursi oo horey natiijadooda u hakiyeen guddiyada doorashada iyo xallinta khilaafaadka heer federaal.
Kuraastan ay maanta fasaxeen guddiga xallinta khilaafaadka doorashada heer federaal ayaa waxaa ku jira kursiga HOPO86 uu dhawwaan kusoo baxay taliyihii hore ee NISA hadana ah lataliyaha amniga Qaranka Fahad Yaasiin Xaaji Axmed.
Guddiga doorashada heer federaal ayaa dhawwaan hakiyay natiijada doorashada kursigan uu kusoo baxay Fahad Yaasiin iyo kuraas kale oo habraac sax ah aan loo marin oo lagu doortay magaalooyin kala duwan.
Lama oga go’aankan goordhaw kasoo baxay guddiga xallinta khilaafaadka doorashada in ay raali ka yihiin guddiga doorashada heer federaal oo horey u hakiyay dooarshada kursiga uu kusoo baxay Fahad Yaasiin.
