Askari ka tirsan ciidamada dowladda federaalka Soomaaliya ayaa goordhoweyd darawal Mooto Bajaaj ku dilay magaalada Muqdisho.
Goobta uu dilka ka dhacay ayaa waxa hadda ka socda banaanbax xooggan oo ay dhigayaan qaar kamid ah dhallinyarada ku shaqeesata Mootada, oo ka gadoodsan dilka oo gyestay darawal kamid ah.
Dilka maanta ayaa imanaya, iyada oo shalay un uu askari illaalo u ah wasiirka arrimaha dibadda Soomaaliya uu agagaarka Laamiyaraha Zoobe ku dilay wiil dhallinyaro ah, oo kamid ahaa dhallinyarada ku shaqeysata Mooto Bajaajta.
Maamulka gobolka Banaadir iyo taliska ciidanka Booliska ayaa inta badan sheega inay waxa ka qabanayaan dilalka soo noq-noqday ee ciidamada dowladda ka geysanayaan magalaada Muqdisho, haddana ma muuqato wax iska badalay arrintaan oo noqotay mid maalinle ah oo la nool yihiin dadka caasimada.
