Ciidamada deegaanka ee SSC ayaa weerar gaadmo ah ku qaaday milatariga Somaliland, xilli ay dhaq-dhaqaaqyo ciidan ka wadeen bariga magaaladaas Laascaanood ee xarunta gobolka Sool.
Wararka la helayo ayaa tilmaamaya inuu goobta ka dhacay dagaal xooggan oo la isu adeegsaday hubka noocyadiisa kala duwan, waxaana mararka qaar la maqlayay madaafiic ay dhinacyada is weydaarsanayeen.
Dadka deegaanka ayaa soo wariyay inuu jiro khasaare ka dhashay dagaalkan, walow aan si rasmi ah loo ogeyn xadiga uu gaarsiisan yahay khasaaraha labada dhinac soo kala gaartay.
Xaaladda goobihii lagu diriray ayaa wali ah mif kacsan waxaana hub uruursi iyo dhaq dhaqaaqyo iska soo horjeeda wada garabyada ku loolamaya gacan ku heynta Laascaanood
Arrimahan ayaa uga sii daraya xaaladii magaalada, waxaana guul dareystay dadaalo lagu bixinayay in lagu wada hadalsiiyo SSC iyo Somaliland, Garaadada ayaa dalbanaya in Somaliland deegaanka baneyso kadibna wadahadal la aado, balse maamulka Muuse Biixi ayaa arrintaasi hoos u dhigay.
Waxaa maanata magaalada Muqdisho si rasmi ah uga bilaawday diiwaangalinta cod bixiyayaasha oo ah talaabadii ugu dambeysay ee ka harsanayd bilaabashada doorashada qof iyo codka ah ee golayaasha deegaanka. Guddoomiyaha
Iyadoo Soomaaliya ay wajahayso halis amni oo cusub oo ka imaanaysa Al-Shabaab oo markale xoogeysanaya, ayaa Boqortooyada Midowday ee UK waxay kordhisay taageerada ay siiso Ciidamada Amniga Soomaaliya (SSF). UK
