Ciidamada ammaanka ayaa xalay xaafada Bermuda gaar ahaan agagaarka xarunta degmada Howlwadaag ku dilay nin la sheegay in uu ahaa burcad biskoolado been abuur ah ama caag ah dadka uga dhacayay moobeelo.
Ninkan ayaa la sheegay in dhoor qof moobeelo uga qaatay biskoolada caaga ah uu watay ,waxaana markii dambe kusoo baxay oo eryayay ciidamada ammaanka oo ugu dambeyn toogasho ku dilay.
Ciidamada booliiska saldhiga degmada Howlwadaag ayaa markii dambe qaaday meydka ninkan dhaca geesanayay ee la dilay, waxa ay sidoo kale booliiska qaadeen qaar kamid ah moobeeladii uu ninkaasi soo dhacay.
Magaalada Muqdisho ayaa muddooyinkan waxaa kusoo badanaya burcada ku hubeesan qoryaha iyo tooreeyada ee dadka dhaca u geesta, burcadan ayaana mararka qaar dil u geesta dadka dhaca ay u geesanayaan ee isku dhejiya telfoonada.
