Wareegto kasoo baxday Gudoomiyaha gobolka Banaadir ahna duqa magaalada Muqdisho Cumar Maxamuud Maxamed (Finish) ayaa gudoomiye cusub loogu magacaabay Degmada Hodan, kadib markii la dilay Gudoomiyihii degmadaasi.
Cumar Finish ayaana u magacaabay Gudoomiyaha degmada Hodan Cabdifitaax Xayir Ciise oo ilmo adeer la ah Gudoomiyihii la dilay ee Degmada Hodan Cabdixakiin Cabdiraxmaan Ciise (Dhagajuun) .
Wareegtada Cumar Finish ayaa lagu faray Gudoomiyaha cusub ee loo magacaabay Degmada Hodan in si deg deg ah xilka ula wareego si loo dar dar galiyo howlaha shaqo ee maamulka degmada Hodan.
Ciidamo katirsan booliiska Soomaaliya ayaa bishii hore agagaarka isgooska Howlwadaag ku dilay Gudoomiyihii degmada Hodan Cabdixakiin Dhagajuun maalin kadib markii uu kasoo laabtay howlo caafimaad uu u aaday dalka Turkiga kadib qarax lagu dhaawacay.
