Ciidamada booliiska ee ka howlgala magaalada Muqdisho, gaar ahaan saldhigga degmada Xamar Jajab ayaa gacanta kusoo dhigay saddex nin oo dhallinyaro ah, kuwaa oo lagu eedeeyay fal xatooyo ah.
War kasoo baxay taliska booliiska gobolka Banaadir ayaa lagu sheegay in saddexdan dhallinyaro ee lasoo qabtay lagu eedeeyay in mooto nuuca loo yaqaan Fekon ay ka riixdeen isgooska Ceel-gaabta ee degmada Xamar Jajab.
Booliiska oo lagu war-galiyay xatooyada mootada ayaa ku guuleestay in ay soo qabtaan saddexdan dhallinyaro, waxa ayna booliiska sheegeen in baaritaano kaddib loo gudbin doono hay’adaha sharciga.
Ciidamada booliiska ee ka howlgala magaalada Muqdisho ayaa muddooyinkii dambe ku guuleestay soo qabashada kooxo badan oo isugu jira burcad iyo ciyaal weero, waxa ay sidoo kale booliiska soo qabteen rag dilal kala duwan geestay.
Xukuumadda Somaliland oo ka hadashay dagaalkii shalay ku dhexmaray ciidamadeeda iyo kuwa SSC-Khaatumo deegaanka Dhuumadare ee gobolka Sanaag, ayaa sheegtay in uu qarxay kadib markii maleeshiyaad ay taageerto Soomaaliya ay
