Xalay xaafada Seben Seben oo ka tirsan degmada Dayniile ee magaalada Muqdisho waxaa dhacay fal dad badan ka naxeen, kaddib markii la sheegay in nin askari ah isku dilay furriin laga dalbaday dartiis.
Ninka askariga ah ayaa la sheegay in gabar uu si hoose u qabay ka dalbatay furriin, hasa ahaatee uu diiday in gabadha uu furo, waxa uuna ka codsaday iney raali ka noqoto waxa ay ka cabaneysana uu xallin doono.
Dood iyo muran dheer kaddib, gabadhii oo xaalada sii adkeysay ayaa sheegtay inaysan ku qanceyn wax aan furriin aheyn.
Ninkii oo ka carooday furiinka laga dalbaday ayaa la sheegay in qori uu watay ammaanka ka jartay kaddibna labo xabadood caloosha isaga dhuftay taasoo sababtay geeridiisa.
Waxaa sidoo kale gabadha oo qorayga kula dhegtay si ay uga celiso talaabadan ayuu dhaawac kasoo gaaray gacanta.
Ninka oo loola cararay isbitaal ayaa la sheegay in daqiiqao kaddib u geeriyooday dhaawacyadii soo gaaray, dhacdadan ayaa noqotay mid aad looga naxay lagana hadal hayo xalay iyo saaka degmada dayniile.
Dhowaan ayey aheyd markii degmada dayniiile uu nin Toorey ku hubeysan ku gowracay hooyadiis iyo abtigiis kaasoo hadda ku jira gacanta laamaha amaanka, wararka qaar ayaana sheegaya in ninkaas madaxa looga jiray.
Maamulka Puntland ayaa mar kale shaaciyay inuu halkiisii yahay mowqifka ay kaga soo horjeedaan dowladda Federaalka Soomaaliya, inta laga helayo isbeddel iyo garowshiiyo ka yimaada madaxda dowladda Federaalka. Wasiirka Warfaafinta
Ciidamada dowladda Fedaraalka Soomaaliya ayaa saqdii dhexe ee Xalay soo afjaray weerar qaatay in ka badan 15 saacadood oo ay xubno ka tirsan Al-shabaab ku qaadeen waabargii hore ee shalay
Dowladda Federaalka ee Soomaaliya ayaa xirtay ilaa iyo 12 warbaahin, nooca mareegaha ah oo ay Al Shabaab lahaayeen, iyadoo horay dowladdu ugu guuleysatey xiritaanka in ka badan 30 bar mareeg
