Xoghayaha Guud ee Qaramada Midoobay Antonio Guterres ayaa sheegay in bisha Ramadaan gudaheeda booqan doono Soomaaliya si uu u muujiyo garab istaagga shacabka Soomaaliyeed, taasoo qeyb ka ah booqashooyinka caadiga ah ee uu bisha Ramadaan sanad walba ku tago dalalka Islaamka.
Waxa uu tilmaamay in Soomaalida ay sanado badan la ildaran yihiin xasilooni darro, abaaro iyo abaaro balse ay haatan ka soo kabaneyso.
Guterres ayaa sheegay inuu hadda ka hor soomay booqashadiisii hore ee uu ku tagay xeryaha qaxootiga, si uu u muujiyo garab istaagga uu u hayo Muslimiinta.
Xoghayuhu waxa uu intaa ku daray, hadal uu ku sheegay website-ka “Qaramada Midoobay” ee wararka, in Soonku uu tusay wejiga saxda ah ee Islaamka.
Antonio Guterres ayaa horey 7 bishii Maarso ee sanadkii 2017 booqashadii ugu horeysay ku yimid magaalada Muqdisho ee caasimada Somalia, waxaana booqashadan oo aan weli mudeynin ay noqon doontaa markii uu labaad ee uu booqdo Somalia tan iyo markii loo magacaabay xilka xoghaya guud ee Qaramada Midoobay.
