Al-Shabaab ayaa saaka waaberigii weerar madaafiic ah ku qaaday Saldhig Ciidamada xoogga dalka ku leeyihiin degmada Awdheegle ee gobolka Sh/Hoose.
Dadka degaanka ayaa sheegay inay maqleen aroornimadii saaka dhawaqa madaafiicda lagu weeraray Saldhiga Awdheegle, kuwaasoo tiro ahaan gaarayey 5-7
Ciidamada dowladda ee ku suignaa saldhigaas ayaa madaafiic kale kaga jawaabay weerarka lagu soo qaaday Saldhigooda degmada Awdheegle, iyagoo la beegsaday goobo ay tuhunsanaayeen in laga soo riday madaafiicda iyaga lagu soo weeraray.
Lama oga  khasaaraha labada dhinac ka soo gaaray madaafiicda ay isku weydaarsadeen nawaaxiga degmada Aw-dheegle
Ciidamada Kumandoska ee Gorgor ee degan saldhigaas ayaa saaka howlaglo ka wada dhul iskugu jira keymo iyo beero ku yaalla duleedka degmada Aw-dheegle, iyagoo baadi goobaya kooxihii xalay soo weeraray.
