Faah-faahino dheeraad ah ayaa waxaa laga helayaa weerar xoogan oo ay maanta xubnaha Al-Shabaab ku qaadeen xero ciidan oo ku taalla degmada Ceelwaaq ee gobolka Gedo, halkaas oo uu ku sugan wasiirka amniga Jubbaland.
Weerarka oo loo adeegsaday ayaa lagu beegsaday gudaha xerada ciidanka daraawiishta maamulkaas oo uu shalay tegay wasiir Yuusuf Xuseen Cismaan (Dhuumaal), waxaana kadib xigay dagaal toos ah oo u dhexeeyay labada dhinac.
Saraakiisha Jubbaland ayaa shaaca ka qaaday inay ka hortageen weerarka Al-Shabaab, isla markaana ay haatan degan tahay xaaladda degmadaasi.
Ma cadda khasaaraha rasmiga ah ee ka dhashay weerarkan iyo dagaalka xigay, waxaana kadib howlgallo kooban sameeyay ciidamada Jubbaland ee jooga aagga Ceelwaaq.
Dhanka kale ma jiro wax hadal ah oo kasoo baxay kooxda Al-Shabaab oo ku aadan weerarka lagu qaaday xeradaas oo lagu diyaarinayo ciidamo ka mid noqonaya Jubbaland.
Ceelwaaq ayaa waxaa muddooyinkii u dambeeyay laga dareemayay xaalad cabsi ah, kadib markii ay Shabaab ka bilaabeen dhaqdhaqaaqyo ay ku doonayaan qabsashada degmadaas.
“War Khawaarijtaas meesha taag taagan oo leh hadda marka ay ciidamada Kenya baxaan Ceelwaaq ayaan qabsaneynaa ku hayo war miyaan u ogolnay inay qabsadaan?” ayuu yiri wasiirka amniga maamul goboleedka Jubbaland mar uu ka hadlayay qorshaha Al-Shabaab.
Wiil dhallinyaro ah oo ku nool magaalada Berbera ee Somaliland ayaa dab is qabadsiiyay, kadib markii uu khilaaf soo kala dhexgalay isaga iyo gabadh uu jacayl ka dhexeeyay Jimcihii shalay.
Wararka ka imaanaya Degmada Rako Raaxo oo ka tirsan Gobolka Karkaar ee Puntland ayaa sheegaya in uu halkaasi ka dilaacay Xanuun safmara oo aan weli la aqoonsan si deg deg
Kadib muddo dhowr sano ah oo laga nastay xurguftii muddada dheer ka dhexaysay Itoobiya iyo Ereteriya, mar kale dhinacyada ayaa isku hub urursanaya, iyada oo laga cabsi qabo in dagaal
Madaxweynaha Galmudug Axmed Cabdi Kaariye Qoor qoor oo la hadlaayay Shacabka Magaalada Dhuusamareeb ayaa sheegay in Al shabaab ay marayaan waqtiyadoodi ugu dambeeyay kaliya loo baahan yahay in loo midoobo
