Deegaanadaas ayey qaarkood imaan jireen al-shabaab, halka kuwa kalena ay u ahaayeen fariisimo ay ka soo abaabulaan weerarada sida ay sheegeen saraakiisha ciidamada.
Xidigle Daahir Axmed Cali taliye horinka 1-aad, ururka 25-aad, guutada 6-aad ee qaybta 60-aad ee xoogga dalka ayaa sheegay in hawlgalkan ay saaka qaadeen uu u dhacay sidii loo qorsheeyey ayna sii wadayaan baacsiga al-shabaab
“Ma tabar badna balse inay dadka ku dhibaan ayey meelahaas u yimaadaan, qorshaheenu wuxuu yahay in meel kasta oo nimankaas [Khawaarijta] lagu sheego inaan tagno, shaqadeenuna waa intaas ” ayuu yiri xidigle Daahir.
Hawlgalkan ayaa qayb ka ah qorshaha guud ee ciidamada DF dalka kaga saarayaan Al-shabaab, kaas oo ka socda gobolada ay kooxdu wali dalka uga harsantahay.
