Xarakada Al-Shabaab ayaa shalay galinkii dambe meel fagaare ah oo ku taala degmada Jilib ee gobolka Jubada Dhexe ku toogatay, shan nin oo ay ku eedeysay inay basaasiin u ahaayeen sirdoonnada Dawladda Federaalka iyo kuwa Maraykanka.
Shanta nin ee la toogtay oo da’doodu u kala dhaxaysay 25 illaa 41 ayaa midkood, waxa ay Xarakadu sheegtay inuu qirtay inuu masuul ka ahaa dilka hogaamiye sare oo kooxda ka tirsanaa oo la dilay bishii Juun sanadkii 2016.
Maxamed Dulyadeyn ayaa ku dhintay weerar ay qaadeen ciidamada sida gaarka ah u tababaran ee Danab oo ay taageerayeen kuwa Maraykanka Koonfurta Soomaaliya.
Dulyadeyn ayaa la rumeysanyahay inuu ahaa masakaxdii ka dambeysay weerarkii Jaamacadda Gaarisa ee lagu dilay 148 qof sanadkii 2015 kii. Sidoo kale waxa la aaminsan yahay inuu maleegay weerarro kale oo ka kala dhacay gobolada Waqooyi Bari iyo gobolka Xeebta ee dalka Kenya.
Al-Shabaab ayaa sheegtay in ninka ay toogteen ee ku eedeysan inuu masuul ka ahaa dilka Dulyadeyn uu u shaqaynayay sirdoonka maamul goboleedka Jubaland.
Maamulka Puntland ayaa mar kale shaaciyay inuu halkiisii yahay mowqifka ay kaga soo horjeedaan dowladda Federaalka Soomaaliya, inta laga helayo isbeddel iyo garowshiiyo ka yimaada madaxda dowladda Federaalka. Wasiirka Warfaafinta
Ciidamada dowladda Fedaraalka Soomaaliya ayaa saqdii dhexe ee Xalay soo afjaray weerar qaatay in ka badan 15 saacadood oo ay xubno ka tirsan Al-shabaab ku qaadeen waabargii hore ee shalay
Dowladda Federaalka ee Soomaaliya ayaa xirtay ilaa iyo 12 warbaahin, nooca mareegaha ah oo ay Al Shabaab lahaayeen, iyadoo horay dowladdu ugu guuleysatey xiritaanka in ka badan 30 bar mareeg
