Waxaa Maanta dugsiga tababarka Ciidamada Booliska Janeraal Kaahiye ee Magaalada Muqdisho lagu qabay doorashada hal kursi oo kamid ah kuraasta golaha Shacabka ee Gobolada Waqooyi.
Kursiga doorashadiisa ay Maanta ka dhacday muqdisho oo sumadiisu tahay HOP272 ayaa waxaa ku tartamay Saddex Musharrax oo kala ahaa, Maxamuud Cabdiraxmaan Cumar, Khadra Axmed Ibraahim & Cabdiqani Maxamed Maxamuud, balse waxaa kursiga ku guuleystay Maxamuud Cabdiraxmaan Cumar, waxaana kursigaan horay ugu fadhiyay Guuleed Ceydaruus Cige.
Shalay waxaa Magaalada Muqdisho ka dhacday doorashada Shan kamid ah kuraasta Aqalka Hoose ee Gobolada Waqooyi ee Somaliland, waxaana sidoo kale Maanta Magalada Dhuusamareeb lagu qabanayaadoorashada laba kamid ah kurasta Golaha Shacabka.
