Garoonka diyaaradaha degmadda Guriceel oo ahaa kan ugu mashquulka badan guud ahaan magaalooyinka Galmudug ayaa xirran muddo 20 Maalmood ah.
Garoonka oo maalin walba ay ka dagi jireen diyaaraddo Rakaab sida iyo kuwa qaadka keena ayaa howlihiisa duulimaad waxaa hakiyay Dowlad Goboleedka Galmudug kadib markii ay Ahlusunna la wareegtay degmadda Guriceel.
Garoonkan oo ahaa mid dhaqaalo badan kasoo gali jiray Galmudug ayaa diyaaradaha ka dagi jirray waxaa loo weeciyay oo ay hadda isticmalaan Garoonka Ugaas Nuur ee Caasimadda Galmudug Dhusomarreeb.
Inkasta oo maamulka Galmudug wali ka helayo Canshuurtii uu ka qaadi jirray Diyaaradahan madaama loo wareejiyay Garoonka kale lkn waxaa dhibaato weyn ku qaba dadka Shacabka ah oo safar dheer u galla in ay adaan Dhusomarreeb waxaana ku baxa dhaqaalo ka badan kii uga bixi jiray marka ay ka duulayaan Garoonka degmadda Guriceel.
Galmudug ayaa si dadban uga ilaalisay in Ahlusunna ay Maamusho oo gacantooda ku dhaco dhaqaalaha ka imaanayay Garoonka degmadda Guriceel, waana sababta ugu weyn ee loo wareejiyay duulimaayadda aada Guriceel sida ay noo xaqiijiyeen Saraakiil sare oo ka tirsan Galmudug.
Shacabka degmadda Guriceel ayaa iminka wajahaya xaalad adag oo nolosha kadib markii ay isaga barakaceen Guryahooda cabsi ay ka qabaan in Magaaladda ku dagaalamaan dowlad Goboleedka Galmudug iyo Ahlusunna, waxay taasi ka dhigtay Magaaladda mid go’doonsan oo aysan ka jiran wax dhaq dhaqaaq ah sida Ganacsiga, Waxbarshadda iyo duulimaadka
