Mustaqbalka heshiiska Gaza, gaar ahaan mid aanay si buuxda qayb uga ahayn Xamaas, waxa uu u muuqdaa mid aan degganayn oo ay ku gedaaman yihiin caqabado badan.

In kasta oo heshiis xabbad-joojin laga gaadhay bishii Oktoobar 2025, kaas oo horseeday is dhaafsi maxaabiis iyo sii dayn lahayd maxaabiista nool, haddana mustaqbalka fog weli lama hubo.

Arrimaha mustaqbalka laga walaacsan yahay:
Maamulka Gaza ka dib dagaalka: Heshiiska ma aanu caddayn cidda maamuli doonta Gaza. Talada loo soo jeediyay in maamulka Gaza lagu wareejiyo hay’ad Falisdiini ah oo ka madax bannaan, ayaa laga yaabaa in ay abuuraan xasilooni darro haddii aan la gaadhin isfaham qaran.

Wiiqista Xamaas: In kasta oo Xamaas ay ogolaatay in la sii daayo maxaabiista, haddana ma aysan ogolaan in ay hubka dhigto. In kooxda laga saaro go’aannada waaweyn ee mustaqbalka, waxay u horseedi kartaa dib u dhiska awoodda Xamaas, taas oo xagal daacin karta heshiiska.

Ficil-celinta Xamaas: Xamaas waxay sheegtay in ay taageereyso dadaallada nabadda ee lagu gaadhay Sharm El-Sheekh, laakiin waxay caddaysay in aysan ogolayn in ay si buuxda u hubka dhigto, taas oo horseedi karta isku dhacyo mustaqbalka.

Aaminaad la’aanta iyo xaqiijinta: Maadaama kalsoonida u dhaxaysa Israel iyo Xamaas ay yar tahay, hirgelinta heshiiska waxay la kulmi kartaa caqabado.

Tusaale ahaan, arrimaha ku saabsan soo celinta maydadka maxaabiista ayaa mar horeba keenay muran, taasoo keentay in loo baahdo hubin caalami ah.

Mintidiinta iyo kacdoonnada cusub: Hadduu heshiisku ku guuldaraysto inuu wax ka qabto cabashooyinka shacabka reer Falastiin, waxaa dhici karta in la arko kacdoonno cusub oo abuura xasilooni darro hor leh.

Jawaabta Israel: Raiisel-wasaaraha Israel, Benjamin Netanyahu, wuxuu marar badan ka soo horjeeday dhismaha dowlad Falastiin ah. Go’aanka dowladiisa ee mustaqbalka Gaza ayaa muhiim u noqon doona geedi socodka nabadda ee waara.

Waxa Qoray Mohamed abdi osman Faradheere