Warar dheeraad ah ayaa kasoo baxaya khasaaraha ka dhashay weerar ku bilaawday gaari laga soo buuxiyay waxyaabaha qarxa oo uu xigay dagaal toos ah oo waabarigii hore ee saakay kooxda Al-shabaab ku qaaday hotel Qaahira oo ku yaala magaalada Baledweyne.
Weerarka ayaa waxaa ka dhashay khasaare isugu jira dhimasho iyo dhaawac soo gaaray Nabadoono iyo Saraakiil ciidan oo degana hotelka, kuwaas oo maalmahii lasoo dhaafay hotelka ku lahaa kulamo ay ku abaabulayeen sidii howlgalo ka dhan ah Al-shabaab uga bilaaban lahayeen galbeedka gobolka Hiiraan.
Wararka hordhaca ah ee la xaqiijiyay ayaa sheegaya in weerarka saakay ku dhinteen ilaa afar ruux oo ay ka mid yihiin Nabadoonada lagu kala magacaabo Nabadoon Aadan Raaxa jecel, Nabadoon Maxaamed Cisman Ileynaa, Aadan Maxamed Calasow Indhabur iyo sarkaal magaciisa lagu soo koobay Galaangashe.
Hotelka weerarka ka dhacay ayaa wali waxaa ka dhex dagaalamaya xubno ka tirsan kooxda Al-shabaab, waxaana marwaliba suurtagal ah iney sii kororto tkhasaaraha dhimashada iyo dhaawaca ee weerarku sababay.
Weerarkaan oo aysan wali si rasmi ah u soo afjarin ciidanka dowladda ayaa noqonaya kii ugu khasaaraha badna ee sanadkaan gudahiisa kooxda Al-shabaab ka geysato gudaha magaalada Baledweyne, gaar ahaan xaafada Howlwadaag.
Ciidamada dowladda Fedaraalka Soomaaliya ayaa saqdii dhexe ee Xalay soo afjaray weerar qaatay in ka badan 15 saacadood oo ay xubno ka tirsan Al-shabaab ku qaadeen waabargii hore ee shalay
Dowladda Federaalka ee Soomaaliya ayaa xirtay ilaa iyo 12 warbaahin, nooca mareegaha ah oo ay Al Shabaab lahaayeen, iyadoo horay dowladdu ugu guuleysatey xiritaanka in ka badan 30 bar mareeg
Xiisada u dhexeysa Itoobiya iyo Eritrea ayaa sare u kacday, iyadoo xiriirka diblomaasiyadeed ee labada dal uu si xowli ah u sii kala fogaanayo. Arrintan waxay salka ku haysaa Rabitaanka
